DORIVOR INGICHKA BARGLI LAVANDA (LAVANDULA ANGUSTIFOLIA MILL) O‘SIMLIGINING BIOLOGIK SINGDIRISH KOEFFITSIYENTI

Annotatsiya

Bizga ma’lumki tuproq sifati, ya’ni uning kimyoviy tarkibi dorivor o‘simliklarning o‘sishi, rivojlanishiga, hosildorligiga hamda ulardan tayyorlanadigan dori mahsulotlari sifatiga bevosita ta’sir qiladi, chunki tuproq dorivor o‘simliklarni zarur oziqa elementlar bilan ta’minlaydi. Bu o‘z navbatida o‘simlik turiga va uning biologik xususiyatiga ham bog‘liq. Shu munosabat bilan bugungi kunda nafaqat tuproq yoki dorivor o‘simliklarning tarkibiga kiruvchi biologik faol moddalarni tadqiq etish, balki atrof-muhitning ekologik omillari ta’sirida bo‘lgan kimyoviy elementlarni ham o‘rganish katta ilmiy va amaliy ahamiyat kasb etadi. Bundan tashqari dorivor o‘simliklarda og‘ir metallar miqdorini ekologik monitoringi va gigiyenik mе’yorini ishlash masalasiga ham alohida e’tibor berishni talab etayotgan bugungi kunda dorivor o‘simliklarning ekologik sofligini baholash nuqtai nazaridan ingichka bargli lavanda (Lavandula angustifolia Mill.) o‘simligining biologik singdirish koeffitsiyentini aniqlashni maqsad qildik.