XX ASR SHE’RIYATI VA G‘AFUR G‘ULOM

Annotatsiya

Maqolada G‘afur G‘ulomning XX asr o‘zbek she’riyatining rivojiga qo‘shgan hissasi shoirning adabiy an’analarga vorisligi, poetik obrazlar yangilanishida badiiy mahorati, lirik janrlar taraqqiyotida uslubiy o‘ziga xosligi, o‘zbek folkloridan va jahon adabiyoti yutuqlaridan ijodiy ta’sirlanishi orqali tahlil qilingan. Qiyosiy-tarixiy, psixologik, struktural-poetik, tavsiflash metodlari orqali G‘afur G‘ulom she’rlarining vazn, qofiya, band qurilishi bilan bog‘liq kompozitsion xususiyatlari shoir poetik g‘oyalarini hamda asarning badiiy-estetik xususiyatlarini ifodalashda muhim funksiya bajarishi dalillangan. XX asr she’riyatida yetakchi bo‘lgan barmoq she’r tizimining imkoniyatlaridan, aruz she’r tizimiga xos bo‘lgan vazn jilolaridan mohirona foydalanishi, o‘zbek lirikasining mazmuniy yangilanishlariga xos bo‘lgan personajli lirika, voqeaband lirika kabi she’r ko‘rinishlariga murojaat qilganligi asoslab berilgan.