SHAXSGA YO‘NALTIRILGAN JISMONIY TARBIYA TA’LIMI JARAYONIDA PEDAGOGIK MONITORINGNI AMALGA OSHIRISH OMILLARI

Annotatsiya

Tadqiqotning maqsadi: shaxsga yo‘naltirilgan jismoniy tarbiya ta’limi jarayonida pedagogik monitoringni amalga oshirish omillarini tadqiq etish. Tadqiqot jarayonida pedagogik kuzatuv, qiyosiy tahlil, tajriba-sinov, pedagogik monitoring, so‘rovnoma, test, matematik statistik tahlil kabi tadqiqot va tahlil usullaridan foydalanilgan. Maqolada umumiy o‘rta ta’lim muassasalarida jismoniy tarbiya darslarida shaxsga yo‘naltirilgan ta’lim jarayonida pedagogik monitoring tarkibi va mazmunini takomillashtirish bo‘yicha o‘quvchilarning motivlari, maqsadlari, qobiliyatlari, faolligi va boshqa individual-psixologik xususiyatlari tadqiq etildi hamda xulosa va tavsiyalar ishlab chiqildi. Xulosa qilib aytganda, umumiy o‘rta ta’lim muassasalarini o‘quvtarbiya jarayonida shaxsga yunaltirilgan ta’limni amalga oshirish uchun tadqiq etadigan bo‘lsak, umumiy o‘rta ta’lim muassasalariga o‘qishga kelgan o‘quvchilarni dastlabki kunlardan boshlab ular uchun qulay va turli, ya’ni nafaqat o‘quv, balki sinf va darsdan tashqari faoliyatga jalb qilish, ularda o‘qish, bilim olishga bo‘lgan qiziqishni shakllantirish maqsadga muvofiqdir.