ARTPEDAGOGIK YONDASHUV ASOSIDA BO‘LAJAK PEDAGOGLARNING BADIIY-IJODIY KOMPETENTLIGINI RIVOJLANTIRISH SAMARADORLIGINI ANIQLASHGA QARATILGAN DIAGNOSTIK USULNI AMALIYOTGA TATBIQ ETISH

Annotatsiya

Mazkur maqolada artpedagogik yondashuvning nazariy-metodologik asoslari D.B.Elkonin va E.P.Torrens qarashlari asosida tahlil qilinadi. Elkonin tomonidan ilgari surilgan ijodiy faoliyatning psixologik-pedagogik mohiyati hamda Torrens tomonidan ishlab chiqilgan ijodkorlikni diagnostika qilish metodlari uyg‘un holda ko‘rib chiqiladi. Ushbu integratsiya artpedagogik ta’lim jarayonida bo‘lajak pedagoglarning badiiy-ijodiy kompetentligini shakllantirishning samarali yo‘nalishi sifatida asoslanadi. Maqolada artpedagogik metodologik modelning nazariy, diagnostik va integrativ bosqichlari ishlab chiqilib, eksperimental tadqiqot natijalari tahlil qilinadi. Natijalar artpedagogik yondashuv asosida o‘tkazilgan ta’lim mashg‘ulotlari talabalarning ijodiy tafakkuri, estetik sezgirligi, badiiy faolligi va pedagogik kompetentligini sezilarli darajada oshirganini ko‘rsatdi. Tadqiqot natijalariga ko‘ra, artpedagogika bo‘lajak pedagoglarning ijodiy shaxs sifatida shakllanishida nazariya va amaliyot birligini ta’minlovchi samarali metodologik vosita sifatida qaraladi.