OG‘IR METALLARNING O‘SIMLIK, HAYVONLAR VA ODAM ORGANIZMIGA FIZIOLOGIK TA’SIRINI O‘RGANISHGA OID ILMIY TADQIQOTLAR TAHLILI

Annotatsiya

Ushbu maqolada og‘ir metallarning o‘simlik, odam va hayvon organizmlariga ta’sir etish mexanizmlarini o‘rganishga bag‘ishlangan adabiyotlar sharhi keltirilgan. Hozirgi kunda taraqqiyot rivojlanishi bilan bir qatorda tabiatdagi tirik organizmlar hayot faoliyati uchun xavf soladigan omillar ham talaygina. Keyingi yillarda sanoat rivojlanishi natijasida atrof-muhit turli xil zararli moddalar bilan ifloslanmoqda. Ayniqsa, bu kabi moddalar orasida og‘ir metallar borligi insoniyatni har qachongidan ko‘ra ogoh bo‘lishni anglatadi. Og‘ir metallarning ta’sir doirasi keng bo‘lganligi tufayli, ular organizmlarning turli organlarida to‘planib, jiddiy o‘zgarishlarga sabab bo‘lishi har tomonlama o‘rganib chiqilgan. Og‘ir metallarning fiziologik ta’siri mexanizmiga oid adabiyotlar o‘rganilib, tegishli xulosalar qilingan. Ushbu sohada nafaqat O‘zbekiston olimlarining ishlari, balki butun dunyodagi ba’zi olimlarning ishlari ham o‘rganib chiqildi.