BOSHQARUV TIZIMIDA XOTIN-QIZLARNING IJTIMOIY-SIYOSIY FAOLLIGINI OSHIRISH MUAMMOLARI

Annotatsiya

Maqolada hozirgi davrning muhim muammolaridan biri jamiyat a’zolarining ijtimoiy faolligini oshirish, jamiyatda amalga oshirilayotgan demokratik islohotlar hamda ijtimoiy-siyosiy jarayonlarda ularning faol ishtiroki, boshqaruv jarayonida ayol rahbarlarning roli muhimligi, ularning faoliyati ayollarning hamda yoshlarning ham ijtimoiy faolligiga ijobiy ta’sir etishi hamda jamiyatda xotin-qizlarning o‘ziga xos o‘rni, faoliyati ko‘p hollarda ularning boshqaruv tizimida bajaradigan funksiyalari bilan bog‘liq bo‘lib, bu jihat rahbar xotin-qizlarning faoliyatini o‘ziga xos jihati sifatida ba’zan murakkabliklarni yoki aksincha, ularning faoliyatida nisbatan еngillikni yuzaga keltirishi o‘rganilgan. Xotin-qizlarning ijtimoiylashuvi, ijtimoiy-siyosiy jarayonlarda intilishlari, orzu tilaklarini ro‘yobga chiqarish uchun zarur shart-sharoit yaratib berish, ularni ob’ektivlashtirish ikki tomon – ayollar uchun ham, davlat boshqaruvi tizimi uchun ham muhimdir. Ayollarning o‘zini namoyon qilishi, bilimi, tajribasi va salohiyatini yuzaga chiqara olishi, ularni yanada rivojlantirib realizaциya qilish imkoniyatlariga ega bo‘lishi davlat boshqaruv tizimining ijobiy dinamikasi va aholining manfaatlariga xizmat qiladi. Bunday ijtimoiy-siyosiy jarayonlar ayollarning siyosiy madaniyatini, faolligini yanada yuksaltirishi tahlil qilingan.