TUYG‘U VA KECHINMANI KITOBXONGA “YUQTIRISH” MAHORATI

Annotatsiya

Ushbu maqolada akademik G‘.G‘ulomning lirik merosi o‘rganilgan. Unda shoirning muayyan she’rlari misolida Bedil ijodiy me’rosining G‘.G‘ulom lirikasiga ta’siri tadqiq etilgan. G‘.G‘ulomning Bedilga murojaat qilishi sabablari shoir ijodidan keltirilgan misollar asosida tahlilga tortilgan. Tadqiqotchi “Bog‘”, “Sog‘inish”, “Yangi ishq”, “Chaman”, “San’atim” va boshqa bir qator she’rlarini kuzatib, G‘.G‘ulomning inson aql quvvati ilohiy mohiyatga ega, singari bedilona xulosaga  kelishi sabablarini izohlaydi.

Maqolada G‘.G‘ulom  ijodidagi konseptual ahamiyatga molik bo‘lgan dil izhorlari, poetik obrazlar bevosita Sharq  adabiyoti an’analari, xususan, Bedil falsafiy qarashlari bilan bog‘lanishi asoslab berilgan. Ilgari surilgan fikr-mulohazalar tadqiqotchi tomonidan muxtasar holda umumlashtirilgan.