SUDLAR ORQALI INTELLEKTUAL MULK OBYEKTLARI BILAN BOGʻLIQ NIZOLARNI HAL QILISHNING O‘RNI VA BU BORADAGI XORIJIY TAJRIBA

Annotatsiya

Maqolada intellektual mulk obyektlarining himoyasi bilan bog‘liq nizolarning sudlarda ko‘rilishi, ushbu toifadagi ishlarni ko‘rib chiqishda amaliyotda duch kelinayotgan mavjud muammolar va bu boradagi xorijiy tajriba tahlil qilingan. Intellektual mulk huquqlarini himoya qilish sohasi nisbatan yangi va shu bilan birga tez rivojlanayotgan soha bo‘lganligi sababli sudlarda ham ushbu toifadagi ishlar soni yil sayin oshib borayotganligi bilan birga mazkur nizolar bir vaqtning o‘zida maʼmuriy, jinoyat, fuqarolik hamda iqtisodiy sudlarda koʻrib chiqilayotganligiga urg‘u berilgan. Bundan tashqari, xorijiy mamlakatlarda intellektual mulk bo‘yicha ixtisoslashgan sudlar, intellektual mulk huquqlarini himoya qilishda O‘zbekistonning xalqaro reytinglardagi o‘rni haqida batafsil to‘xtalingan. Ilg‘or xorijiy davlatlar tajribadan kelib chiqqan holda sohani takomillashtirish yuzasidan tegishli takliflar bildirilgan.