FIZIKA TAʼLIMI JARAYONIGA RAQAMLI TEXNOLOGIYALAR VA ZAMONAVIY USULLARNI JORIY ETISH ORQALI INNOVATSION INFRATUZILMASINI

Annotatsiya

Dunyo miqyosida e’tirof etilgan umumta’lim tizimida nazariya va amaliyot integratsiyasiga asoslangan mashg‘ulotlarni tashkil etish, fizikaning nazariya bilan amaliyot integratsiyasining metodik asoslarini tadqiq qilishga qaratilgan o‘quv mashg‘ulotlari olib borilmoqda. Bunday mashg‘ulotlar ta’lim oluvchilarda, zamonaviy fan-texnika taraqqiyotining imkoniyat va muammolari, ekologik muammolarning mohiyati, tabiatdan oqilona foydalanish yo‘llari, sog‘lom turmush tarziga amal qilish tamoyillari hamda moliyaviy-iqtisodiy savodxonlik asoslarini tushunish va kundalik hayotda foydalanish ko‘nikma va malakalarini shakllantirishga qaratilgan muhim tizim sifatida xizmat qilmoqda.

“O‘zbekiston Respublikasi Xalq ta’limi tizimini 2030 yilgacha rivojlantirish konsepsiyasida fizika ta’limining amaldagi joriy holati va mavjud muammolar keltirilgan bo‘lib, STEAM zamon talablari asosida, xalqaro miqyosda o‘quvchilarga ta’lim-tarbiya berishda umumta’lim fanlari bo‘yicha integratsiya va amaliy yondashuvga e’tibor qaratilmaganligi, fizika fani o‘quv-metodik ta’minoti ya’ni multimedia mahsulotlari, didaktik materiallar, yetarli darajada ishlab chiqilmaganligi va boshqa mavjud muammolar belgilangan. Shu kabi muammolarni yechish uchun umumta’lim maktablarida fizika fanidan ma’ruza mashg‘ulotlarida nazariya bilan amaliyotni integratsiyasini ta’minlash maqsadida namoyish eksperimentlar virtual paketini ishlab chiqish hamda o‘quv jarayoniga tadbiq etish o‘quchilarning ijodkorligini tarbiyalash va qiziqishlarini rivojlantirishi uchun muhim asos bo‘lib xizmat qiladi. Fizika fanidan foydalaniladigan namoyish eksperimentlar uchun jihozlar juda katta mablag‘ni talab e’tadi. Shu bilan birga yaroqsiz holatga kelib qolgan jihoz o‘rnini to‘ldirish ko‘p vaqt talab etadi. Shundan kelib chiqib namoyish eksperimentlarni virtual  tarzda ishlab chiqish maqsadr qilindi. Virtual namoyish eksperimentlari yaratilishi yuqoridagi muammolarni hal etishga yordam beradi. Qo‘shimcha moliyaviy xarajatlarsiz respublikadagi barcha ta’lim muassasalari yetarli darajada namoyish eksperimentlari bilan ta‘minlanadi. Fizika fanidan dars sifatini oshirishga erishiladi.