IDIOSTIL VA STILISTIK KONVERGENSIYA MUNOSABATINING LINGVOPOETIK TADQIQI

Annotatsiya

Maqolada keyingi yillarda tilshunoslikda yuzaga kelgan lisoniy hodisalar tadqiqiga yangicha yondashuvlar haqida ma’lumot berish bilan birga, zamonaviy yo‘nalish va tahlil metodlaridan biri hisoblangan antropotsentrik yondashuvga alohida to‘xtalib o‘tilgan. Bunda muallifning o‘ziga xos nutq yaratish uslubi – idiostili antropotsentrik yondashuv mahsuli sifatida baholanadi. Lisoniy vositalarini uslubiy tahlil etishda ularning nutq ichida ma’lum bir maqsad uchun funksionallashuvi, so‘z qo‘llash meyorlari, sintaktik qurilmalarning o‘ziga xos tarzda shakllanishiga e’tibor bermay, bayon uslubiga diqqat qaratmay turib,  muallif idiostilini aniqlab bo‘lmasligi, muallif idiostilini aniqlash tilshunoslikning barcha tadqiqot metodlaridan unumli foydalanib, unga turli aspektlarda yondashishni taqozo etishi, chunki muallif idiostilida ona tilining  lingvistik vositalari tizimi kompleksi to‘la aks etishi, shu bilan birga, muallif idiostili tilni yangi birlik va vositalar bilan boyishi uchun manba bo‘lib ham xizmat qilishi dalillanadi. Shuningdek, sintaktik-stilistik vositalardan bir nechtasining birgalikda qo‘llanishi natijasida stilistik konvergensiya hosil bo‘lishi, bu hodisa muallif idiostilining bir belgisi sifatida qaralishi va bunda nutq tarkibidagi stilistik o‘zgarishlar hamda nutqning badiiy estetik funksiyasiga ta’siri masalalari haqida fikr yuritiladi.