TA’LIMNI RAQAMLASHTIRISH SHATROITIDA O‘QUVCHI-TALABALARNI NOCHIZIQLI FIKRLASHGA O‘RGATISH IMKONIYATLARI

Annotatsiya

Mazkur maqolada zamonaviy shaxsni shakllantirishda chiziqli bo‘lmagan fikrlashning o‘rni, unga erishishda matematika fanini o‘rni yetarli darajada ochib berilgan. Bugungi kundagi ta’limni raqamlashtirish davri muhim hisoblnib, bunda fikrlashning asosiy tarkibiy qismlardan biri chiziqli bo‘lishiga erishish muhim hisoblanadi. Matematik nuqtai-nazardan chiziqli fikrlash - bu kam sondagi o‘zgaruvchilari bo‘lgan tenglama yoki tensizlikni ma’lum bir ketma-ketlikda yechish jarayonidir. Bugungi kunda inson hayotiga kirib kelgan robotlar va sun’iy intellekt tizimlari nochiziqli fikrlashga asoslangan bo‘lib, ular insonlardan muntazam faoliyatni tortib oladi va olmoqda. Bunday sharoitda har bir kishidan yetarli darajada ijodiy fikrlash qobiliyatiga ega bo‘lish talab etiladi. Ammo ijodiy fikrlashga ega bo‘lmasdan turib, nochiziqli fikrlab bo‘lmaydi. Zamonaviy sharoitda nochiziqli fikrlash odamlar ongida ham, fanning bir qator sohalarida ham yetarli darajada tadqiq etilmagan. Hattoki u xavfli hisoblanadi. Shuningdek, hozirgi murakkab zamonaviy dunyoda aksariyat hodisalar va jarayonlarni chiziqli modellar bilan tasvirlab bo‘lmaydi. Shuning uchun ham umumiy o‘rta maktab va oliy o‘quv yurtlari o‘quvchi-talabalarida nochiziqli fikrlashni shakllantirishi talab etiladi. Xulosa qilib aytganda, bugungi ta’limni raqamlashtirish shatroitida biz o‘quvchi-talabalarni nochiziqli fikrlashga o‘rgatmasdan turib ta’lim maqsadlariga erishishni oldindan kafolatlay olmaymiz. Shuning uchun ta’lim maqsadlariga oldindan erishishni kafolatlash esa zamonaviy ta’limning asosiy tamoyillaridan biri hisoblanadi.