KREDIT- MODUL TA‘LIM TIZIMI JAHON TAJRIBASI

Annotatsiya

Maqolada kredit-modul ta‘lim tizimi jahon tajribasi masalalari o‘rganiladi. Jahonda kechayotgan globallashuv jarayonlaridan biri sifatida  yagona Yevropa oliy ta’lim hududini yaratish maqsadida Yevropa davlatlari oliy ta‘lim tizimlarining bir-biriga yaqinlashishi va uyg‘unlashuvini ko‘zda tutgan “Boloniya jarayoni”nini amalga oshirish mexanizmi, kredit-modul ta‘lim tizimining shaxs takomiliga qaratilgani, mustaqil ishni tashkil qilish va shaxsni mustaqillikka o‘rgatish ushbu ta‘lim shaklining asosiy tamoyili ekanligi tahlil etiladi. Bugungi kredit-modul tizimiga o‘tish sharoitida talabalar mustaqil ta‘limi metodikasini shakllantirish muhim ilmiy va amaliy ahamiyat kasb etadi. Talabalar mustaqil ishini tashkil etish, uni amalga oshirish mexanizmini ishlab chiqish, mustaqil ishni bajarishda vizual, virtual, texnologik, informativ-raqamlashtirish, talabalarning kasbiy qiziqish va istaklarini inobatga olgan holda ilmiy-ijodiy ishlarni bajartirishda mustaqil ish traektoriyalarining egiluvchanligini va variativligini ta‘minlash dolzarb vazifalar sirasiga kiradi. Maqolada horijiy oliy ta‘lim muassalarida talabalarning o‘z ustida mustaqil ishlashini rivojlantirish ta‘lim maqsadlari va mazmunini tubdan o‘zgartirish bilan bog‘liq jarayonlar tahlil etilgan. Bular quyidagilarda namoyon bo‘ladi: ta’lim maqsadlarini oliy ta’limni tugatgandan so‘ng ham talabaning uzluksiz mustaqil ta’limga bo‘lgan ehtiyojini zaruriyat sifatida shakllantirishga yo‘naltirish; talabalarda samarali ijodiy fikrlashni shakllantirish; mantiqiy tahlil qilish qobiliyatlarini va qo‘llaniladigan ma’lumotlarni har tomonlama qayta ishlash qobiliyatlarini rivojlantirish; ta’lim mazmunini mutaxassisning kasbiy tayyorgarligi modeliga yo‘naltirish oliy ta’limning asosiy shakli va mazmuni ekanligi o‘rganilgan.