TASHQI MEHNAT MIGRATSIYASINING DEMOGRAFIK JARAYONLARGA TA’SIRI (Andijon viloyati misolida)

Annotatsiya

Jahon xoʻjaligi rivojlanib, mamlakatlararo integratsion aloqalar kuchayib borgan sayin, mehnat migratsiyasi ham tobora intensivlashib bormoqda. Rivojlangan mamlakatlar va past rivojlanayotgan mamlakatlar oʻrtasidagi farqlarning uzluksiz chuqurlashib borayotgani ham ushbu jarayonlarni jadallashtirishga kuchli taʼsir koʻrsatmoqda. Mehnat migratsiyasi kishilik jamiyati taraqqiyotining hozirgi bosqichida migratsiyaning oʻziga munosib ish va yuqori daromad topish maqsadida amalga oshirilgan alohida turi boʻlib, iqtisodiyoti ogʻir ahvolda boʻlgan kam rivojlangan mamlakatlarda bandlik va ish haqining oʻtkir muammolarini hal etishning asosiy vositalaridan biriga aylandi.

Oʻzbekistonda mustaqillik yillarida iqtisodiyotning barcha yonalishlarida tub islohatlar amalga oshirildi. Mulkchilik shakllariga bo‘lgan munosabat o‘zgardi. Bozor munosabatlariga asoslangan iqtizodiy tizimni yuzaga kelishi aholi bandligiga o‘zining sezilarli ta’sirini ko‘rsatdi. Natijada, mamlakat aholi bandligini oshirishda tashqi mehnat migratsiyasi yuzaga keldi. Tashqi mehnat migratsiyasining bir qator ijobiy jihatlari bilan birga demografik jarayonlar rivojlanishiga sezilarli ta’siri mavjud. Shu maqsadda mazkur maqolada tashqi mehnat migratsiyasining demografik jarayonlarga ta’sirini o‘rganishga harakat qilindi.

O‘zbekistonda aholi bandligi va daromadini oshirishda tashqi mehnat migratsiyasi muhim o‘rin tutadi. Shuningdek, tashqi mehnat migrasiyasining jamiyatda no‘to‘liq oilalarning ko‘payishi, ajralishlarning o‘rtib borishi va farzandlar tarbiyasiga salbiy ta’siri kabi muammolarni yanada murakkablashuviga olib kelmoqda. Yuqoridagilardan kelib chiqib mazkur tadqiqot ishida migratsiya masalalari, hususan tashqi mehnat miratsiyasining demografik jarayonlarga ta’siri sotsiologik so‘rovnoma usuli orqali o‘rganilgan.