JINOYATGA JAZO TAYINLASHGA OID AYRIM XORIJIY DAVLATLAR TAJRIBASINING IJTIMOIY-FALSAFIY JIHATLARI

Annotatsiya

Bir necha jinoyat shakllarining huquqiy belgilari va jazo tayinlashdagi ahamiyati atroflicha o‘rganilgan. Bir qancha jinoyatlarning yuridik ahamiyati va shakllari jazo tayinlash, javobgarlik va jazodan muddatidan oldin ozod qilish va jazoni o‘tab bo‘lgandan keyingi huquqiy oqibatga oid masalalarni hal etishga ta’sir qilishi tadqiq etilib, mazkur tushunchaga oid yondashuvlar o‘rganilib, mualliflik ta’riflari ishlab chiqilgan. O‘z navbatida, hozirgi vaqtda bir qancha jinoyat tushunchasi bo‘yicha yagona yondashuvning mavjud emasligi, uning aniq ilmiy va huquqiy ta’rifi yo‘qligi, bir qancha jinoyat shakllari yuzasidan jazo tayinlashda muammolarning mavjudligi va bu borada yagona ta’rifni ishlab chiqish zarurligi, takroran jinoyat sodir etish normasidan voz kechish lozimligi, jinoyatlar majmui tushunchasiga yangicha ta’rif berish, o‘ta xavfli retsidiv jinoyat tushunchasini jinoyat qonunchiligidan chiqarish lozimligi, shaxsga nisbatan asossiz ravishda og‘ir jazo tayinlanishining oldini olish, retsidiv jinoyat uchun jazo tayinlash normasining huquqiy oqibati shaxsni jazodan va javobgarlikdan ozod etilmasligida namoyon bo‘lishi alohida o‘rganilgan.