BADIIY DISKURS VA DISKURSIV TAHLIL

Annotatsiya

Diskurs – matndan ko’ra kengroq tushuncha bo’lib, bir vaqtning o’zida ham tilga xos jarayondan, hamda shu jarayonning natijasi bo’lmish matndan iborat bo’ladi. Diskurs so’zi zamirida nutqning barcha kognitiv-kommunikativ funktsiyalarini tushunish yotadi. Bundan ko’rinib turibdiki diskurs ham jarayon, ham matndir. Matnning turg’un, tayyor mahsulot, diskursning esa kechayotgan nutqiy muloqot jarayoni sifatida talqin qilinishi ularning keskin farqlanishiga sabab bo’ladi. Lingvistik adabiyotlarda “diskurs” terminining qat’iy bir ma’nosi yo’q, u ifodalaydigan hodisalar diapazoni juda keng, ya’ni “matnning qismi” dan yaxlit “nutq”gacha bo’lgan hodisalarni ifodalash uchun ishlatiladi.