ROMAN JANRI HAQIDA MULOHAZALAR

Abstract

Tarixdan ma’lumki, XX asr 20-yillarida shaxsga sig‘inish avjiga chiqdi. Millatni jaholatdan, qoloqlikdan qutqarishga uringan ziyolilarga turli yo‘llar bilan tuhmatlar amalga oshirila boshlandi. Bu jarayonda ijodkorlar asarlariga ham hujum boshlandi. Madaniy yutuqlarga qarshi yurishda birinchi zarba romanlarga qaratildi. Romanlarni “yot asar” va “bizning roman emas”ga chiqarish, asar orginalligini shubhaga olish yo‘lida turli tadqiqot va maqolalar olib borildi. Shunday qilib, o‘zbek romanchiligining ilk namunalari yetarli qadrlanmadi. Ko‘p asarlar o‘rinsiz tuhmat va da’volar bilan kitobxonlar qo‘lidan yig‘ishtirib olindi. Ayrim adabiyotshunos va tanqidchilar har xil “nazariy asoslar”ga tayanib ilk romanlarga qarshi jang olib bordi. Natijada, bir necha yillar davomida yirik asarlar yaratilmadi. Bu holat faqatgina romanchiligimizga emas, umuman madaniyatimizga katta zarar olib keldi